• Shpërndaje

Arkiva Lajme – Tv Klan 1999

E grumbulluar në Hamburg të Gjermanisë pikërisht sot në mesditë ka filluar edhe përgatitja e skuadrës kombëtare të shqipërisë për takimin kundër Letonisë që do të zhvillohet ne Riga më 28 Prill. Ndërsa ka rrezikuar, çështja e portierit Beqaj është zgjidhur përfundimisht sot paradite dhe klubi grek i Kretës ka pranuar që portieri shqiptar të udhëtoj të dielën për në Hamburg.

Në seancën e parë të stërvitjes zhvilluar sot kanë munguar edhe Vata e Tare, pasi të dy futbollistët janë të impenjuar në takimet e skuadrave të tyre që luajnë sot në Bundesligën e 2-të.

Sidoqoftë e veçanta që ka lidhje me kombëtaren e Hafizit është ndeshja miqësore që është programuar të zhvillohet të dielën në mesditë kundër një formacioni lokal në Gjermani. Sipas organizatorëve të ardhurat do të jepen për fëmijët e goditur nga lufta në Kosovë./tvklan.al