Sport, nis turi i dytë i Kupës së Republikës – (20 Janar 2001)
Lajme Arkiva – TV Klan 2001
U luajtën dje dhe sot ndeshjet e para të turit të dytë të Kupës së Republikës në futboll, ku mbi të gjitha ra në sy fitorja e skuadrës së Lushnjes 1-0 ndaj Dinamos, kryesuese në kampionat. Luftëtari-Vllaznia, ndeshja më e rëndësishme e këtij turi, ka përfunduar 1-0 në favor të vendasve. Ndërsa Tirana kampione në fuqi, kaloi furishëm 4-0 ndaj Besëlidhjes.
Flamurtari ka fituar thellë 3-0 ndaj Tomorrit të Beratit, ndërsa në takimet e tjera, u arritën rezultate të barabarta. Elbasani-Shkumbini 1-1, Pogradeci-Teuta 1-1, Kukësi-Skënderbeu 1-1 dhe Partizani-Bylis 0-0. Ndeshjet e kthimit do të luhen javën e ardhshme./tvklan.al