Sport, Tirana – Partizani ndeshje bamirësie – (30 Janar 2001)
Lajme Arkiva – TV Klan 2001
Ndeshje bamirësie në stadiumin “Selman Stërmasi” të kryeqytetit, ku u vunë përballë njëra-tjetrës dy skuadrat më të njohura të futbollit shqiptar, Tirana dhe Partizani. Ky takim u organizua nga bashkia e Tiranës në bashkëpunim me ambasadën gjermane për të ndihmuar shtëpinë e fëmijës “Kinder House” në kryeqytet. Në ceremoninë e zhvilluar me këtë rast, mori pjesë edhe ministrja e Kulturës Rinisë dhe Sporteve, zonja Esmeralda Uruçi. Ndërsa takimi që pati më tepër karakter simbolik, përfundoi 3-1 në favor të skuadrës kampione Tirana./tvklan.al