Sport vendi, java 11 (3 Dhjetor 1999)
Takimi Partizani-Teuta që do të zhvillohet në Tiranë do të jetë në qendër të vëmendjes për javën e 11-të të kampionatit kombëtar të futbollit për kategorinë e parë. Teuta është në krye e shkëputur 4 pikë nga Tirana e Tomorri. Një rezultat pozitiv mund ta çojë Teutën më pranë kampiones së Demit të fazës së parë. Humbja e Partizanit e vë atë në shkallët e fundit të renditjes, diçka e papritur për ta dhe larg pretendimeve të tyre.
Për rezultatin e këtij takimi janë të interesuar dhe skuadrat që vijnë pas Teutës që pretendojnë për kreun e renditjes. Ato në këto momente shpresojnë për një rezultat pozitiv të Partizanit për të ngushtuar diferencën me Teutën. Kalendari i ndeshjeve është ky:
Shqiponja-Dinamo ku Shqiponja mban vendin e pestë ndërsa Dinamo të gjashtin. Elbasani-Tirana ku Elbasani është në vendin e tretë dhe Tirana në vendin e dytë. Apolonia-Flamurtari ku Apolonia qëndron në vendin e njëmbëdhjetë dhe Flamurtari në vendin e trembëdhjetë. Lushnja-Vllaznia ku Lushnja në vendin e katërt dhe Vllaznia në vendin e shtatë. Shkumbini-Skënderbeu, dy skuadra që ndodhen pranë njëra-tjetrës në renditjen me 11 pikë./tvklan.al