• Shpërndaje

Në poligonin e klubit sportiv “Studenti” janë zhvilluar garat e qitësve më të mirë. Qitësit erdhën në këtë aktivitet pas zhvillimit të kampionatit kombëtar të pistoletës dhe të pushkës para një muaji ku u dallua ekipi i Studentit dhe i Tiranës. Në këto gara u dalluan qitësit e Studentit të drejtuar nga trajneri Alush Alla. Fitues në garat e pistoletës dhe të pushkës janë qitëset Diana Mata, Lundri Çuni, Niko Shtrepi, Gazmend Lika, Arben Çerika.

Drejtues të klubit të futbollit “Vllaznia” kanë bërë të ditur se trajneri Artan Bushati ka dhënë dorëheqjen nga kreu i pankinës shkodrane. Vetë Bushati ka theksuar se gjendja e ekipit është e dobët ndaj unë e ndjeva moralisht se nuk mund të qëndroj ende në postin e trajnerit. Ende nuk është emëruar trajneri i ri por në ambjentet futbollistike mendohet për një riciklim të Vasil Bicit në këtë post./tvklan.al