Sport vendi volejboll (12 Maj 2000)
Dy takimet e para gjysëm finale të playoff-it në volejboll për meshkuj janë zhvilluar në Tiranë në Pallatin e Sportit “Asllan Rusi”. Të dy takimet kanë dhënë të njëjtin rezultat 3-0. Studenti ka fituar ndaj Erzenit dhe Teuta e Durrësit ndaj Dinamos. Një nga trajnerët më me përvojë Binga i Dinamos është shprehur:
” Ne me Dinamon padyshim kemi pretendime për të kaluar në finale megjithëse kemi një ekip me përvojë Durrësi i cili ka një grup të formuar, lojrarë me eksperiencë që do të ballafaqohen me grupin shumë të ri të Dinamos, kemi bindjen që do të kalojmë në finale”.
Nesër luhen dy takimet e para gjysëm finale për femra në Durrës Teuta-Lushnja, në Tiranë në orën 19:30 në Pallatin e Sportit “Asllan Rusi” Studenti-Dinamo./tvklan.al