Stjuarti dënohet me 8 vjet burg, sepse…
Një stjuart i kapur në përpjekje për të trafikuar heroinë të një vlere prej 100,000 dollarësh në Britaninë e Madhe është dënuar me 8 vjet burg.
Zahaab Sadique mori 2 kilogramë të drogës së paligjshme të klasit A ndërkohë që po fluturonte nga Dubai në aeroportin e Manchester-it, në janar të vitit të kaluar.
30-vjeçari nga Oldham e trafikoi drogën në Britani të Madhe gjatë fluturimit të tij të kthimit, ku po shërbente ushqim dhe pije për pasagjerët. Sadique u arrestua kur oficerët e Forcave të Kufirit dhe qentë e stërvitur kryen kontrolle të ekuipazhit pak kohë pas uljes, ku gjithashtu kontrolluan autobusin që i transferoi ata nga aeroplani në terminal.
Pesë qese me pluhur ngjyrë kafe u gjetën prapa sediljes së Sadique, ndërsa pamjet e CCTV nga autobusi tregojnë se ai fsheh qesen në bord.
Zyrtarët e Agjencisë Kombëtare të Krimit përfunduan hetimin pasi gjetën disa fotografi të heroinës në telefonin celular Sadique. Ai u dënua në Gjykatën e Manchesterit pasi u deklarua fajtor për trafikim të lëndëve narkotike./tvklan.al