Strakosha në planet e Liverpool, Hysaj mohon largimin nga Napoli
Liverpool po mendon Thomas Strakoshën si një alternativë për sezonin e ardhshëm. Kështu shkruan faqja sportive
Cittaceleste.it
teksa nënvizon se portieri shqiptar mund të afrohet në vend të gjermanit Loris Karius, pas gafave të këtij të fundit në finalen e Champions League me Real Madrid.
Në shkrim përmendet edhe shifra që mund të ofrohet, 30 milionë Euro. Megjithatë te Lazio besojnë se Thomas Strakosha nuk mund të largohet, por gjithçka pritet te shihet kur merkato të hapet zyrtarisht. Thashethemet nuk kanë munguar këto ditë edhe për Elseid Hysajn. Interesim nga Anglia, Gjermania apo Franca sipas mediave ndërkombëtare. Vetë mbrojtësi është përgjigjur nga grumbullimi me Shqipërinë.
“Ashtu si ju lexoj edhe unë për intersim nga Bayern, Paris Saint Germain apo Manchester United, por deri më tani nuk ka asgjë konkrete. Për sa kohë që nuk ka asgjë konkrete, unë mbetem një futbollist i Napolit dhe jam i lumtur për këtë.”
Merkato e verës pritet të sjellë ndryshime të ekipeve për disa futbollistë të Kombëtares që ndonëse janë në kontratë me ekipet e tyre mund të transferohen në skuadra të tjera.
Tv Klan