Sulmohet me armë lokali, 4 të vdekur dhe 4 të plagosur
Katër persona u vranë dhe katër të tjerë mbetën të plagosur në një lokal pasi një person i armatosur hapi zjarr ndaj tyre. Ngjarja ka ndodhur në Tennessee të Shteteve të Bashkuara të Amerikës.
Një klient në lokal iu kundërpërgjigj me armë autorit, por ky i fundit u largua nga vendngjarja. Policia amerikane e ka identifikuar sulmuesin si Travis Reinking 29 vjeç nga Illinois. Zëdhënësi i policisë tha se 29-vjeçari ishte lakuriq dhe kishte të veshur vetëm një xhaketë. [caption id="attachment_378689" align="aligncenter" width="474"]
Foto: Travis Reinking[/caption]
Ai ishte i armatosur me një pushkë gjysmëautomatike AR-15. Autori u afrua në lokal me makinë, dhe më pas nisi të qëllonte duke lënë katër persona të vdekur, kurse katër të tjerë mbetën të plagosur. Më pas u largua sërish me makinë. Ai është shpallur në kërkim nga policia, ndërsa po vijojnë edhe hetimet për zbardhjen e shkaqeve./tvklan.al