Sulmohet me gurë ambasada e Kosovës në Suedi
Ambasada e Kosovës në Stokholm u sulmua me gurë e sende të forta nga persona ende të paidentifikuar.
Siç duket edhe në këto foto të publikuara nga mediat kosovare, gurët kanë thyer xhamat e përfaqësisë diplomatike kosovare në Suedi.
Nga sulmi nuk ka pasur persona të lënduar. Policia suedeze është vënë në kërkim të autorëve të ngjarjes.
Sulmi është dënuar nga ministria e jashtme e Kosovës, që në një komunikatë për shtyp kujtoi se ky ishte sulmi i dytë që prej çeljes së kësaj përfaqësie në vitin 2009.
Tv Klan