Sulmoi më sëpatë udhëtarët, autori një emigrant afgan
Një adoleshent afgan qëndron pas sulmit me sëpatë dhe thikë të një nate më parë, në një tren në jug të Gjermanisë.
4 persona mbetën të plagosur nga ky sulm, 3 prej të cilëve morën plagë të rënda. Ministri i Brendshëm i Bavarisë, Joachim Herrmann konfirmoi se i riu u qëllua për vdekje nga policia. Motivi i këtij sulmi mbetet ende i paqartë. Herrmann tha se agresori ishte një refugjat 17 – vjeçar nga Afganistani, i cili jetonte në qytetin e Oschsenfurt. Dëshmitarë në vendngjarje thanë se gjatë sulmit e kishin dëgjuar të thëriste “Allahu akbar”.
Incidenti ndodhi rreth orës 21:15 në trenin e linjës Treuchlingen dhe Wurzburg.
17 – vjeçari sulmoi pasagjerët me sëpatë dhe thikë pak kohë pasi kishin mbërritur në Wurzburg. Ai u largua me shpejtësi nga treni megjithatë efektivët e policisë arritën ta kapnin dhe e qëlluan për vdekje.
Ky sulm nuk ka kaluar pa krijuar panik në vend, duke shtuar frikën e sulmeve nga ekstremistët islamikë, pas ngjarjeve në Nice të Francës./tvklan.al