Swansea mund edhe Arsenalin
Në javën e 25 të Premierleague Swansea doli nga zona e rënies nga kategoria pas fitores 3-1 në fushën e saj ndaj Arsenal.
Në fakt ishin londinezët që gjetën golin të parët në minutën e 33, por vetëm një minutë më pas Swansea barazoi me Clucas.
Në mesin e së dytës Ayew kaloi në avantazh skuadrën vendase, ndërsa 4 minuta nga përfundimi përsëri Clucas shënoi për të siguruar 3-pikëshin e rëndësishëm.
Liverpool nuk e diskutoi fitoren në fushën e Huddersfield Town. Skuadra e Klopp fitoi 3-0. Emre Can ishte i pari që shënoi në të 25-in ndërsa Firmino e mbylli pjesën e parë në avntazh 2-0.
Në të dytën nuk mund të mungonte goli i Salah.
Në Francë, PSG shkoi në finalen e kupës së Ligës pas një përballjeje interesante me Rennes. Meunier, Marquinhos dhe Lo Celso shënuan, por PSG rrezikoi të barazonte pasi vendasit shënuan dy herë në minutat e fundit. PSG pret të mësojë kundërshtarin që do të dalë nga përballja Monaco – Montpellier.
Tv Klan