Takim poetik me Lasgushin – (24 Mars 2001)
Lajme Arkiva – TV Klan 2001
Në ambientet e Bar-Restorant Natyra e Parkut Kombëtar pranë Liqenit Artificial është organizuar sot pasdite nga nxënësit e viteve të treta të shkollës së mesme Andon Zako Çajupi, një takim poetik. Ky takim titullohej “Memorial përmes fjalës artistike” me poezi të Lasgush Poradecit.
Iniciatore e këtij aktiviteti ishte zonja Muazeze Kanushi, mësuese e letërsisë pranë kësaj shkolle. Në këtë takim, u recituan nga nxënësit e shkollës poezi të Lasgushit, të marra nga vëllimi “Vepra Letrare nga Lasgush Poradeci”. Ky aktivitet vjen në kuadër të aktiviteteve që kanë filluar në fillim të kësaj jave në shkolla të ndryshme të kryeqytetit për të përkujtuar poetin tonë të madh.
Në këtë aktivitet kanë nderuar me pjesëmarrjen e tyre edhe zonjat Drita Pelingu dhe Esma Agolli, si dhe vajzat e Lasgush Poradecit, Kostandina dhe Maria./tvklan.al
Gazetare – Fjodora Fjora