Takime të forta në Serie A
Java e dytë e Serie A nis me sfida tepër tërheqëse. Lazio do të presë Juventus në orën 18:00 në “Olimpico”. Të dy ekipet e nisën me fitore kampionatin, duke treguar se janë në formë.
Skuadra kryeqytetase duhet të thyje një tabu, pasi nuk fiton prej gati 13 vitesh me atë torineze. Në 23 takime janë 17 humbje dhe 6 barazime dhe mbi të gjitha në 4 ndeshjet e fundit skuadra e Allegri nuk pëson gola.
Një tjetër përballje tërheqëse është ajo e orës 20:45, në stadiumin “San Paolo”. Napoli – Milan pritet të përcjellë emocione me vendasit, që vijnë nga një barazim 2 – 2 me Pescara. Miqtë nga Milano kanë fituar vetëm 1 nga dhjetë ndeshjet e fundit në fushën e Napoli.
Skuadra e Sarri duhet të tregojë se mund të bëjë edhe pa Gonzalo Higuain. Në krahun tjetër Milan u paraqit mirë në takimin e parë me Torino, një fitore që u vendos në diskutim në çastet e fundit.
Tv Klan