Takimi Pollo-Arens (26 Shtator 1999)
Ambasadori i OSBE-së në Tiranë, Gert Arens ka takuar sot Genc Pollon sfidantin e Berishës, pikërisht 4 ditë para Kongresit të PD-së. Zoti Arens është interesuar në mënyrrë të veçantë për situatën që ekziston në PD në prag të Kuvendit Kombëtar. Ai ka shprehur domosdoshmërinë e procedurave demokratike në procesin e zgjedhjes së delegatëve dhe atë për kryetarin e ri të Partisë Demokratike.
Takimi i Pollos me ambasadorin e OSBE-së vjen menjëherë pas konferencës së Tiranës dhe incidentit të ndodhur në konferencën e Dhkodrës disa ditë më parë. Ndërkohë Pollo, pretendenti për postin e kryetarit të PD-së i ka parashtruar Ambasadorit alternativën e tij dhe të njerëzve që mbështesin atë. Zoti Arens ka siguriar se OSBE do të ndjekë nga afër zhvillimet e mëtejshme të Partisë Demokratike. Mësohet se Ambasadori Arens do të ketë një takim së shpejti me liderin aktual të PD-së, zotin Sali Berisha./tvklan.al
Gazetare: Ornela Bego