Të shtëna me armë ndaj oficerëve të policisë
Pesë zëvendës sherif dhe dy civilë u qëlluan me armë ndërsa policia po reagonte ndaj një lajmërimi për trazirë në një shtëpi në shtetin e Kolorado.
Zyra e sherifit të kontesë Douglas njoftoi se një nga pesë zëvendës sherifat ishte vrarë nga shkëmbimi i zjarrit gjatë të cilit u vra edhe personi i dyshuar si autor i sulmit.
Më herët gjatë ditës së diel, zyra e sherifit kishte shpallur “kodin e kuq” për zonën përreth dhe i këshilloi banorët të qëndronin brenda banesave dhe larg dritareve./VOA