Të shtëna me armë zjarri në kryeqytet
Dy persona janë përfshirë në një konflikt mbrëmjen e sotme në kryeqytet, përplasje e cila ka çuar në përdorimin e armëve.
Burime zyrtare sqarojnë se rreth orës 20:00, pranë një parkingu në rrugën “Mujo Ulqinaku” janë dëgjuar të shtëna me armë.
Paraprakisht, dyshimet janë se në konflikt, i cili policia thotë se ka qenë i çastit, janë përfshirë dy shoferë automjetesh dhe një prej tyre ka gjuajtur me armë.
Policia ka mundur të identifikojë autorin dhe sqaron se po punohet për kapjen e tij. Ndërkohë, në vendin e ngjarjes autoritetet gjetën dy gëzhoja.
Fatmirësisht nga kjo ngjarje nuk ka persona të lënduar./tvklan.al