Teatri në grevë – (5 Mars 1999)
Arkiva Lajme – Tv Klan 1999
Sot është dita e parë e grevës së aktorëve dhe punonjësve të teatrove në të gjithë shqipërinë. Ashtu siç u njoftua Asambleja e Teatrove të Shqipërisë dhe Sindikata e aktorëve e kanë shpallur ditën e sotme ditë greve. Të gjitha teatrot shqiptare nga ora 10-11 të paradites kanë ndërprerë punën për të protestuar për mos plotësimin e listëtës prej 13 kërkesash.
Pak ditë më parë kryeministri shqiptar Majko u premtoi aktorëve për plotësimin e disa kërkesave por më kryesoret mbeten ende të paplotësuara. Greva e sotme një orëshe ka treguar faktin se konflikti aktorë – ministri Kulture është tepër i ashpër.
Sindikata e Aktorëve dhe Asambleja e Teatrove kanë vendosur se nëse nuk plotësohen të gjitha kërkesat aktorët do të hidhen në grevë urie. Në përkrahje të grevës së Teatrit Kombëtar sot kanë protestuar për një orë dhe aktorët e Estradës së Tiranës, Teatrit të Kukullave dhe Cirkut. Sipas organizatoëve të grevës protestat do të vazhdojnë deri në plotësimin e 13 kërkesave./tvklan.al