Telefonat inteligjentë me lojën ‘Fortnite’ shiten për mijëra Dollarë
Javën e kaluar loja e famshme ‘Fortnite’ u hoq nga shitja në App Store të iPhone dhe Play Store të Android.
Epic Games hodhi në gjyq kompanitë për kufizimet, të cilat erdhën menjëherë pasi loja shkelte udhëzimet e pagesës brenda aplikacioneve.
Kjo do të thotë se është e pamundur të shkarkoni ‘Fortnite’ përmes këtyre dyqaneve të aplikacioneve.
Sidoqoftë, aparatet me ‘Fortnite’ të instaluar ende janë duke u shitur me një çmim të lartë në internet. Shumica e tyre kushtojnë nga 2,000 deri 7,000 Dollarë. Çmim ky shumë më i lartë se çmimi tipik i një iPhone të përdorur.
Shitja e një celularin me lojën e instaluar ‘Fortnite’ mund të duket si një ide e mirë, por në të vërtetë është shumë e rrezikshme.
Që Fornite të mbetet në iPhone, do të duhet të qëndroni të regjistruar në llogarinë tuaj.
Kjo do të thotë se nëse vendosni të shisni iPhone-in tuaj, personat e tjerë do të ketë akses në llogarinë dhe skedarët tuaj.
Blerja e një aparati celular me ’Fortnite’ të instaluar është njëlloj e rrezikshme. Personi që e kishte mund të largohet nga llogaria në ditët në vijim, duke hequr qasjen tuaj në lojë dhe duke e bërë blerjen të padobishme. /tvklan.al