Televizioni Klan bëhet me shtëpi të re (11 Mars 1999)
Sikurse e keni vënë re edicioni i lajmeve ju ka munguar për një ditë të tërë. Shkaku ka qene se TV Klan ka ndryshuar shtëpi. Nga një godinë e thjeshtë mes pallatesh të Tiranës, selia e re e TV Klan-it është shndërruar në një studio të specializuar të ndërtuar sipas të gjitha parametrave bashkëkohore.
Një ambjent prej mëse 1000 metrash katrorë do të shërbejë që gjithë stafi i TV Klan të jetë më pranë një ëndërr të vjetër të kërkuar më shumë mund e djersë prej të gjithëve, atë të të qënit sa më afër të vërtetës dhe sa më pranë njerëzve.
Teknologji e re por dhe mënyrë e re e të bërit informacion. Këto janë elementet që të gjithë drejtuesit e Televizionit Klan dhe stafi i tij u premtojnë shikuesve të cilët kanë nisur të shtohen dita ditës.
Megjithatë nuk do mungojë malli për një godinë modeste mes pallatesh në Rrugën “Myslym Shyri” ku lindi kjo aventurë televizive e cila nga një sinjal i brishtë u shndërrua falë një pune të përditshme në një emër që tashmë njeh shumica e Shqipërisë./tvklan.al
Gazetar : Aldon Lipe