Tentoi të korruptonte policin, arrestohet taksisti
Një tjetër drejtues mjeti ka përfunduar në pranga pasi tentoi të korruptonte policin. Këtë herë bëhet fjalë për shoferin e një taksie.
Efektivët e Tepelenës kanë arrestuar Anesti Mërkurin, banues në Sarandë. Sipas burimeve zyrtare taksisti udhëtonte me mjetin e tij “Mercedez”, me targa AC 482 T kur u ndalua nga patrulla e Policisë Rrugore, pas një parakalimin të gabuar në vendin e quajtur “Ish Fabrika e Fosforit”, në aksin rrugor Tepelenë – Krahës.
Në momentin e ndalimit, Mërkuri ka tentuar t’i japë një shumë parash punonjësit të policisë për të mos marrë masë administrative, por tentativa nuk i doli për mirë dhe përfundoi në pranga për akuzën e korrupsionit aktiv ndaj personave që ushtrojnë detyra publike./tvklan.al