Tenton të djegë 67-vjeçarin, arrestohet autori
Konflikti mes dy personave rrezikoi që të përfundonte në tragjedi. Një 65-vjeçar me iniciale I.R. u arrestua në flagrancë pasi tentoi të digjte me lëndë djegëse 67-vjeçarin me iniciale K.Sh. Ngjarja e rëndë ka ndodhur në qytetin e Durrësit.
67-vjeçari u dërgua në spital për të marrë ndihmë mjekësore. Ndërkohë, autori u arrestua dhe akuzohet për plagosje të rëndë me dashje.
Sipas policisë, sherri mes tyre ka ndodhur për motive të dobëta, ndërkohë që uniformat blu vazhdojnë hetimet për këtë ngjarje. /tvklan.al