Tenton të rregullojë varrin e nënës së ndjerë, brenda gjen predha (18 Gusht 2000)
Shkon për t’i ndërruar arkivolin nënës, por në varr gjen predha anti tank. Kjo është historia e çuditshme dhe e padëgjuar e një të riu nga Peqini. Dje pasi po punonte për rregullimin e varrit të së ëmës, sapo ka ngritur kapakun, i riu nga Peqini është trembur kur në arkivolin e së ndjerës ka parë predha ushtarake.
Plot 14 predha të rënda ishin vënë mbi njëra tjetrën. Varri, i lehtë për t’u hapur, ka shërbyer për disa persona që predhat t’i fshinin pranë së ndjerës. 14 predhat u zhvarrosën dhe u dorëzuan në polici./tvklan.al
Gazetar: Eduart Frangaj