Tentuan të trafikonin 20-vjeçaren, në pranga 4 persona (12 Shtator 2000)
Policia e Gjirokastrës arrestoi 4 persona për trafik femrash pasi prej 9 ditësh kishin mashtruar dhe më pas rrëmbyer 20- vjeçaren nga qyteti jugor. Margjiro, Ervin dhe Blerton Berberi si dhe 19-vjeçarja Majlinda Kapllani, banorë të Patosit, u arrestuan në qytetin e tyre pas një operacioni së Policisë Gjirokastër.
Sipas burimeve zyrtare ata kishin rrëmbyer përmes mashtrimit një vajzë 20- vjeçare nga fshati Asim Zeneli Gjirokastër me qëllim shitjen e saj në tregun italian të prostitucionit. 25-vjeçari Margjiro Berberi akuzohet dhe për përdhunim sistemtik të vajzës gjatë 9 ditëve të rrëmbimit dhe mbajtjes së saj në izolim në mbajtjen e saj në banesën e Elton Berberit.
Për policinë e rrethit jugor ky është rasti i dytë brenda ditëve të fundit që zbulohen dhe arrestohen trafikantë femrash. 5 ditë më parë Policia e Gjirokastrës zbuloi dhe arrestoi 2 persona për trafikim të një të miture nga qyteti i Beratit ndërsa po përpiqeshin të hynin në Greqi nga pika e Kakavijes. Dy të arrestuarit pohuan përpara policisë se pazari për shitjen e minorenes 13- vjeçare, ishte rreth 1 milion e 500 mijë dhrahmi./tvklan.al