Tepelenë, arrestohen grabitësit – (20 Qershor 1999)
Arkiva Lajme – Tv Klan 1999
Policia e rrethit Tepelenë ka arritur të arrestojë mbrëm në darkë njërin nga dy grabitësit e tregtarit Gjirokastrit i cili ishte grabitur dy ditë më parë. Sipas zëdhënësit të policisë, i arresuari është Artur Musta 25-vjeç nga Delvina, i cili së bashku me shtetasin Eduart Muçin i kanë grabitur tregtarit Altin Goxhaj nga Gjirokastra shumën prej 4 milion dhramish.
Vjedhja ka ndodhur të enjten rreth orës 19 e 30 minuta në rrugën nacionale Ballsh – Gjirokastër. Të arrestuarit Musta i janë gjetur 2 milion dhrami të shumës së vjedhur. Ndërsa Eduart Muçi i cili mendohet të ketë gjysmën tjetër të shumës është shpallur person në kërkim./tvklan.al