Tërhiqen fanellat e Kobe Bryant
Asnjë basketbollist i Lakers nuk do të mbajë dot numrat 8 dhe 24. Klubi i njohur nga Los Anxhelos vendosi të tërheqë këto fanella që janë mbajtur nga Kobe Bryant, duke rritur akoma më shumë lavdinë e tij. Ceremonia në “Staples Center” ishte një tjetër nderim për 39-vjeçarin që kaloi të gjithë karrierën e tij me të njëjtën skuadër.
“Nuk bëhet fjalë për fanellat e mia, por për ato që ishin më parë aty. Janë ata që më frymëzuan që të ngjitem në nivele të tilla të larta. Punoni dhe ëndrrat do të bëhen realitet.”
Kobe Bryant u tërhoq nga loja vitin e kaluar, por mbetet një pikë referimi për Lakers ku në 20 vjet karrierë fitoi 5 herë titullin kampion në NBA, pa numëruar dhjetëra vlerësime të tjera individuale.
Tv Klan