Teuta luan për zonën europiane
Skuadra durrsake përballet me Luftëtarin
Pas fitores me Tiranën, Teuta e Edi Martinit ka një ndeshje të lehtë. Udhëton në Gjirokastër për t’u përballur me Luftëtarin e rënë nga kategoria. 3 pikë thuajse të sigurta për ekipin durrsak. Trajneri Edi Marti i ka vënë detyrë skuadrës së tij të arrijnë zonën europiane të renditjes.
“Duhet të shfrytëzojmë këtë moment të mirë që jemi, jo vetëm në Gjirokastër, por çdo ndeshje për fitore edhe për pozitat që ka Gjirokastra, do shkojmë të bëjmë detyrën tonë. Duhet të sigurojmë pjesëmarrjen në Europë nga kampionati dhe të jemi më të lirshëm dhe pa stres për Kupën”.
Bylis-Skënderbeu është një tjetër ndeshje për zonën europiane, por një sfidë e fortë do të jetë ajo mes Laçit dhe Kukësit. Orges Shehi beson se do dalë sërish me fitore nga kjo ndeshje pasi ka besim tek loja e skuadrës.
“Jemi në situatë të mirë dhe duhet të vazhdojmë këtë rrugë. Duhet të fitojmë ndeshjet tona, kishim tetë finale na kanë ngelur shtatë kështu që duhet fokusuar tek finalet tona”.
Tv Klan