Tifozët e Saint-Etienne pushtojnë fushën
Reagimi i futbollistit të Lyon, Nabil Fekir pas golit të pestë të shënuar në derbin me Saint-Etienne nervozoi tifozët kundërshtarë. Ata pushtuan fushë, pasi sulmuesi i tregoi fanellën në stilin Messi, një veprim që e cilësuan si provokim. Kjo situatë solli pezullimin e ndeshjes për disa minuta.
Policia nuk e pati të lehtë të qetësonte tifozët e Saint-Etienne, ndërsa lojtarët e të dy ekipeve hynë në korridoret e stadiumit, duke mos pësuar asgjë.
Pasi të gjithë u larguan nga fusha u zhvilluan pa probleme minutat e fundit që vendosën fitoren 5 – 0 të Lyon. Fekir pas sqaroi se festa e tij nuk pati qëllim të nervozonte tifozët. Sipas tij ndoshta ky veprim nuk mund të bëhej me një rezultat të tillë, por është thjeshtë futboll./Tv Klan