Tifozët e Spanjës kundër Gerard Pique
Nga sharjet tek qetësia e tensionuar, kjo është atmosfera e rëndë që po përjeton kombëtarja spanjolle e futbollit gjatë seancave stërvitore. Pasditen e së hënës, tifozët kanë ofenduar dhe i kanë bërë thirrje katalanasit Pique që të largohet nga kombëtarja. Disa prej tyre kanë ngritur edhe pankarta kundër futbollistit
Policia e pranishme në seancën stërvitore ka konfiskuar këto pankarta të tifozëve
Çdo lëvizje, çdo veprim, çdo buzëqeshje e mbrojtësit të Barcelonës ngjallte thirrje kundër tij në shkallët e fushës stërvitore.
Teksa seanca vijoi normalisht thirrjet e tifozëve kundër lojtarit u shuan. Por gjithsesi tifozët ia rikujtuan edhe një herë në përfundim të stërvitjes futbollistit se nuk e duan më në kombëtare.
Acarimi i tifozëve të Spanjës ndaj Gerard Pique erdhi pas deklaratave të tij në mbështetje të referendumit për pavarësinë e krahinës së Catalunas, proces që solli përplasje të qytetarëve me policinë në Barcelonë.
Tv Klan