Tifozët krenohen me Kombëtaren
Shqipëria është një realitet në futbollin kontinental. Pjesëmarrja e parë në Kampionatin Europian tërhoqi vëmendjen e mediave të ndryshme. Faqja sportive “Copa 90” e përfshiu vendin tonë në vazhdën e reportazheve në prag të finaleve të Euro 2016.
Gëzimi i tifozëve për një kualifikim historik u përcoll me festë në të gjitha trevat shqiptare. Përfaqësueses të grupimit “Tifozat Kuq e Zi” thanë se Kombëtarja bashkoi të gjithë shqiptarët kudo që ndodhen, pasi është një motiv krenarie. Pritshmëritë janë të mëdha që skuadra e drejtuar nga Gianni De Biasi të lerë shenjë edhe në fazën finale./ TV KLAN