Tirana nuk ka më vend për varre
Kryeqyteti nuk ka më vend për varre. Parcela e fundit e mbetur në varrezat publike të Tufinës është mbushur në çdo hapësirë të saj.Kjo situatë ka çuar në mbylljen zyrtare edhe të varrezës së Tufinës. Ky vendim i është përcjellë edhe Bashkisë së Tiranës.Pas kësaj, çdo banor i kryeqytetit që do të ndërrojë jetë do të varroset në mes të rrugës, brenda rrethimit të varrezave.Aktualisht të dyja varrezat publike që ka kryeqyteti janë të mbyllura, situatë kjo e paralajmëruar kohë më parë nga ndërmarrja funerale. Çështja e shpronësimit të parcelave të reja ka mbetur peng i procesit të miratimit nga Këshilli i Ministrave.