Video/Autobusi urban del nga rruga, plagoset fatorino
Një autobus i linjës Qendër – Tufinë ka dalë nga rruga ditën e sotme, pasi shoferi humbi kontrollin e mjetit duke përfunduar në oborrin e një banese.
Ngjarja ndodhi në rrugën “Myslym Keta”, në Tiranë, rreth orës 19:00.
Këto janë pamjet e marra nga operatori i Tv Klan vetëm pak minuta pas aksidentit, si pasojë e të cilit ka mbetur i dëmtuar fatorino ndërsa 15 pasagjerët që ndodhesh në autobus nuk kanë pësuar asnjë lëndim.
Aktualisht, policia ndodhet në vendin e ngjarjes dhe po punon për gjetjen e shkakut të këtij aksidenti./tvklan.al