Tjetër sukses i Florian Markut
Fiton duelin me britanikun Mweemba që në raundin e parë
Florian Marku arriti një tjetër sukses në ringun profesionist. Boksieri 28-vjeçar mundi që në raundin e parë britanikun Muma Mweemba në duelin e zhvilluar të martën në Stratford.
Marku triumfoi me nock-out teknik, duke e hedhur në tapet kundërshtarin brenda 1 minute e gjysmë. Një sukses që Florian Marku e kishte parashikuar.
“E prisja këtë dhe i kam thënë edhe trajnerit që kur i vesh këto doreza më duket sikur kam bomba në duar”.
Marku pati një mesazh edhe për të gjithë shqiptarët, të cilët e mbështesin sa herë ngjitet në ring.
“Faleminderit të gjithë për përkrahjen, ju kam thënë që kur futem në ring jap shpirtin”.
Florian Marku i ka të gjitha fitore në 7 sfidat e zhvilluara në boks, pas karrierës së suksesshme në kick-box.
Tv Klan