Tjetër video nga terrori i Florida-s
Publikohen të tjera pamje nga momenti i masakrës së të mërkurës në një shkollë të mesme në Florida. Video amatore, ku duken edhe disa nga viktimat e shtrirë në tokë, është xhiruar nga një prej nxënësve. Të terrorizuar nga ato që i kanë parë sytë, adoleshentët qajnë e bërtasin për shpëtim.
Presidenti amerikan, Donald Trump dhe Zonja e Parë, Melania Trump vizituan të premten shërbimet e sigurisë në Florida dhe Qendrën Spitalore që u dha ndihmë të plagosurve, duke lavdëruar punën e tyre.
Ngjarja e rëndë ka vënë nën akuzë FBI-në, për mungesën e reagimit ndaj sinjalizimeve për rrezikshmërinë e autorit Nikolas Cruz.
Guvernatori i Florida-s kërkoi dorëheqjen e shefit të FBI-së Chistropher Wray, pasi Byroja Hetimore kishte anashkaluar një sinjalizim për komentet e frikshme të bëra nga autori i masakrës në YouTube. Përpara gjykatësit, Nikolas Cruz rrëfeu se kishte për qëllim të shkaktonte edhe më shumë viktima.
Tv Klan