TKOB organizon ballo bamiresie – (22 Mars 2001)
Lajme Arkiva – TV Klan 2001
Në mbrëmjen e ditës së nesërme, Teatri i Operës dhe Baletit në bashkëpunim me fondacionin “Fëmijët shqiptarë”, do të organizojnë një ballo bamirësi në hollin e TOB. Kjo ballo është organizuar me iniciativën e drejtoreshës së këtij teatri Zana Çela dhe zonjës Kara Rankar presidente e fondacionin “Fëmijët shqiptarë”, të formuar në vitin 1996.
Të gjitha të ardhurat që do të përfitohen nga kjo ballo, do të ndahen përgjysmë dhe do të shkojnë si ndihmë për shtëpinë e fëmijës në Sarandë dhe pjesa tjetër do të shërbejë për pasurimin e garderobës së Ansamblit të Këngëve dhe Valleve. Sipas zonjës Zana Çela, rinovimi i kësaj garderobe është një nga problemet kryesore të TOB. Kështu u ra dakord me zonjën Rankar, për organizimin e kësaj balloje, e cila do të argëtojë të pranishmit, por që do të sjellë edhe mjaft të ardhura./tvklan.al