TKOB prezanton projektin e stines së re koncertore – (1 Mars 2001)
Lajme Arkiva – TV Klan 2001
Teatri i Operës dhe Baletit, duke filluar që nga dita e nesërme do të nis një stinë të re koncertore. Në një konferencë për shtyp, drejtuesit e këtij institucioni, kanë njohur gazetarët me këtë projekt, i cili do të ofrojë për publikun shqiptar rreth 3 koncerte në javë. Kështu në javët që do të vijnë do të ngjiten në skenën e TOB, me koncerte recitale këngëtar, soprano, tenor, vokalist, bariton etj.
Ndërkohë koncerti i parë, që do të startojë këtë projekt, do të jetë në mbrëmjen e nesërme dhe protagonist të tij, do të jenë sopranoja Irini Nikolla dhe baritoni Ylber Gjini. Ky koncert do të përmbajë arie, duete, romanca, nga fondi i artë i literaturës vokale dhe instrumentale. Stafi realizues i këtij projekti është i përbërë nga regjisori Nikolin Gurakuqi, Edit Mihali udhëheqëse artistike dhe drejtoresha e përgjithshme Zana Çela. Ndërsa koncerti i nesërm ka si koncert-maestro Lindita Kotorrin./tvklan.al
Gazetare – Fjodora Fjora