TOB koncerti Moxart – (11 Mars 2000)
Arkiva Lajme – Tv Klan 2000
Koncerti “Me Moxartin” është ngjitur sot në skenën e Teatrit të Operas dhe Baletit. Pjesët e zgjedhura si “Dasma e Figaros”, “Serenata e vogël e natës”, janë përshëndetur me duartrokitje nga shikuesit.
Në këtë koncert orkestra e TOB drejtohej nga dirigjenti Rifat Teqja, nën drejtimin e regjizorjal të Nikolin Gurakuqit. Të 12 pjesët e zgjedhura të koncertit janë shoqëruar edhe nga kori i këtij teatri me mjeshtër të saj Oleg Arapi.
Sezoni artistik i Teatrit të Operas dhe Baletit përveç Bahut dhe Moxartit parashikon të ngjisë në skenë edhe emra të tjerë të muzikës simfonike botërore./tvklan.al