TOB risjell sopranon Inva Mula me operën “Romeo dhe Zhulieta” – (14 Janar 2001)
Lajme Arkiva – TV Klan 2001
Këshilli artistik i Teatrit të Operës dhe Baletit, aprovoi me shumicë votash, që premierë e sezonit Janar-Qershor 2001, të jetë projekti i sopranos Inva Mula, me operën “Romeo dhe Zhulieta”. Kjo vepër që do të vijë në skenën e TOB, në fund të muajit Prill, do të sjellë në Tiranë pas 9 vitesh mungesë sopranon Inva Mula, së bashku me stafin e saj.
“Romeo dhe Zhulieta” është një nga veprat më madhore të regjisorit Sharl Guno. Libreti i shkëlqyer i kësaj opere është i bazuar në veprën madhore të Shekspirit “Romeo dhe Zhulieta”. Një histori tragjike dhe dashurie, e cila mbetet moderne akoma dhe në kohët tona. Ndërkohë në TOB, përveç kësaj shfaqe, në këtë sezon do të ngjiten në skenë edhe shfaqe të tjera./tvklan.al
Gazetare – Fjodora Fjora