Trafik heroinë në Korfuz, arrestohet shqiptari që drejtonte organizatën
Policia greke ka goditur një rrjet të trafikut të heroinës në ishullin e Korfuzit. Në prangat e policisë ka rënë edhe drejtuesi i këtij grupi kriminal. Ai është një shqiptar 28-vjeçar.
Bashkë me të u arrestuan edhe dy bashkëpunëtorët 51 dhe 21 vjeç, të cilët kishin rol thelbësor magazinimin e drogës. Në pranga ranë edhe grekë 57 dhe 38 vjeç, roli i të cilëve ishte transporti i lëndës narkotike.
Në kërkim janë shpallur edhe pesë shqiptarë të tjerë si dhe tre grekë. Gjatë aksionit anti-drogë, u sekuestruan 3520 Euro, 805 gram heroinë, 6 celularë, një makinë, një taksi dhe një biçikletë. Të arrestuarit akuzohen për krijim të organizatës kriminale dhe trafik të lëndëve narkotike. /
tvklan.al