Travolta fiton të tretën pllakë të platinit
Aktori u vlerësua për filmin e fundit si “vrasës me pagesë”
Edhe një pllakë tjetër platini i është shtuar çmimeve që aktori i famshëm amerikan John Travolta ka arritur të rrëmbejë. Ylli hollivudian nuk ngurron ta shprehë kënaqësinë që ky vlerësim i ka dhënë. I veshur me të zeza, ai qëndron krenar pranë çmimit “3X Platinium”.
“Sapo theva rekordin me pllakën time platin të ‘Pulp Fiction’. Faleminderit të gjithëve”, ka shkruar 65-vjeçari në postimin e tij në Instagram.
Një gangster i varur nga lëndët narkotike ishte roli që iu besua Travoltës në këtë prodhim kinematografik, tema muzikore e të cilit është shitur në më shumë se 3 milionë njësi në Shtetet e Bashkuara të Amerikës.
Në filmin që ka në thelb ngjarje kriminale, John luan në rolin Vincent Vega, i cili ishte një vrasës me pagesë dhe falë protagonizmit që iu besua, popullariteti i tij u shtua edhe më shumë.
Në fakt, “Saturday Night Fever” ishte suksesi që e ktheu në një fenomen aktorin e njohur në vitin 1977.
Klan Plus