Tregu i fruta-perimeve zhvendoset tek Uzina Dinamo – (1 Shtator 2000)
Lajme Arkiva – TV Klan 2000
Tregu i fruta-perimeve tek Brryli, sot u mbyll. Me një urdhër të prefektit Taulant Dedja, shitësit do të kalojnë tek Uzina Dinamo. Në fakt shpërngulja duhet të kishte ndodhur javë më parë, por ndërtesa nuk ishte gati. Megjithatë 21 tregtarët e parë sot e respektuan urdhrin e prefektit. Kryetari i shoqatës të tregtarëve të fruta-perimeve Ilia Janopullo thotë:
Ilia Janopullo:- “Siç e shikoni neve sot kemi filluar punën në magazina të reja, mirëpo magazinat janë të papërfunduara. Ne kemi premtuar që jo vetëm të kemi magazina të mira, por të kemi edhe një treg të grumbulluar në mënyrë që edhe shteti edhe tatimet edhe të gjithë të kontrollohet çmimi, të kontrollohet tregu”.
Gjithsej këtu është parashikuar të tregtojnë rreth 60 vetë. Qiraja për 100 metra katror vend është 300 dollarë./tvklan.al