Trotuare e zëna nga makinat, një problem i madh në Tiranë – (26 Maj 2001)
Lajme Arkiva – TV Klan 2001
Kjo makinë ka vite të tëra që dergjet buzë këtij trotuari, i zoti e ka braktisur sepse nuk është më për punë. Të tilla ka me dhjetëra pranë rrugëve dhe trotuareve të kryeqytetit. Tani që numri i automjeteve është rritur në Tiranë, këto makina sjellin probleme, sepse zënë vendin e parkimit për dikë tjetër.
Të vetmit që interesohen për këtë rast janë policët e qarkullimit rrugor, që nuk hezitojnë të vënë dhe gjoba. Por në të shumtën e rasteve ndodh që automjetit t’i mungojnë targat dhe nuk i dihet as pronësia. Hapi i fundit mbetet heqja me karrotrecë dhe shoqërimi për në varrezat e makinave, në mënyrë që të lirohet rruga e pragu i trotuarit./tvklan.al