Trump sërish në telashe seksuale
Pas aferës seksuale me pornostaren Stormy Daniels, Donald Trump përflitet për një tjetër histori pasioni, për të cilën thuhet se ka paguar 150 mijë Dollarë në këmbim të mospublikimit. CNN publikoi një material audio ku presidenti amerikan në një bisedë private me ish-avokatin e tij Michael Cohen, flet për pagesën e ish-modeles së Playboy-t Karen McDougal, e cila pretendon se në vitin 2006, ka pasur një histori pasioni që ka zgjatur 10 muaj me kreun e shtëpisë së Bardhë.
Ndonëse jo në mënyrë të drejtpërdrejtë në audio-përgjim dëgjohet një moment ku Trump i përmend avokatit të tij një shumë, 150.
Pagesa do t’i shkonte një kompanie mediatike që kishte siguruar të drejtat e historisë së ish-modeles së Playboy-t. Rrjeti amerikan shpjegon se president i kompanisë ishte Dejvid Peker me gjasë është një mik i presidentit amerikan që e kishte hapur kompaninë me kërkesë të vetë Trump.
Biseda është regjistruar në shtator të 2016-ës, vetëm dy muaj pas zgjedhjeve presidenciale. Materiali ra në duart e FBI-së, pas një kontrolli në zyrat e avokatit Michael Cohen. Presidenti Trump reagoi përmes Twitterit pak ditë më parë, ku mohoi akuzat duke sulmuar ish-avokatin e tij për audioregjistrimin.
Tv Klan