Padam solidarizohet me bluzat e bardha
Mbështetje edhe për spitalin “Covid 2”
Ata janë heronj të heshtur dhe të vetmit në vijën e parë të luftës me Covid-19. Bota kësaj here është tërësisht në duart e tyre. Falenderimet, solidariteti dhe ndihmat për bluzat e bardha janë bërë lajtmotiv në çdo vend.
Çdokush është përpjekur në forma të ndryshme t’u jetë këtë kohë sa më pranë mjekëve e infermierëve që luftojnë papushim për të shpëtuar jetë.
Restoranti Padam zgjodhi të shprehë mbështetjen për bluzat e bardha te spitali “Shefqet Ndroqi”, apo i quajtur ndryshe Covid 2, ku po njësoj po luftohet për të shpëtuar të prekurit, duke u ofruar mjekëve e infermierëve një vakt me gatimet e tij. 128 mjekët dhe infermierët e këtij spitali nuk janë vetëm në këtë beteje me të keqen.
Pak ditë më parë, po në shenjë respekti e solidariteti, ishte stafi i Opinion në Tv Klan, që ofroi në të njëjtën mënyrë një vakt për bluzat e bardha e Spitalit Infektiv.
Tv Klan