UEFA nxjerr përsëri bileta për Europianin
Tifozët shqiptarë mund të gjejnë ende bileta për një nga takimet e grupeve në "Euro 2016".
UEFA bën të ditur në faqen e saj zyrtare në internet se për sfidën me Rumaninë, ka vende të lira në të gjitha kategoritë. Këto janë bileta të kthyera nga ata, të cilët i kanë prenotuar më parë. Aplikimi mund të bëhet në hapësirën e caktuar nëUefa.com
brenda muajit Maj.
Sipas asaj që shikohet në skemën e treguar se për çdo kategori janë më shumë se 500 bileta. Ky takim do të luhet më 19 Qershor në stadiumin e Lionit, një nga arenat me kapacitetin më të lartë, që presin fazën finale të Europianit, rreth 60 mijë vende.
Në ndeshjet e tjera ato me Zvicrën dhe Francën nuk ka më asnjë biletë. Shqipëria debuton në fazën finale të Europianit më 11 qeshor në takimin me Zvicrën që do të luhet në Lens.
Endrit Sauku, Tv Klan