UEFA vlerëson Elseid Hysajn, e rendit në listën e 11 talenteve më të mirë të Seria A
Elseid Hysaj është përzgjedhur në formacionin ideal të të rinjve për këtë sezon të Serie A. Mbrojtësi i Napolit është vlerësuar nga faqja e UEFA-s në gjuhën italiane.
Ai është vënë në krah të talenteve të Milan dhe Juventus si Donnarumma, Romanjoli apoo Rugani.
Për Hysaj thuhet se u bë i njohur me fanellën e Empolit dhe trajneri Maurizio Sarri nuok u mendua dy herë për ta marrë te Napoli. Skuadra napolitane arriti e dyta në renditje falë një sulmi yjesh të udhëhequr nga Gonzalo Higuain, por edhe nga një mbrojtje që meriton vlerësime. 22-vjecari Hysaj ishte pjesë e kësaj merite pasi mungoi vetëm një ndeshje”- shkruan faqja e UEFA-s në italisht.
Hysaj ishte pjesë e suksesit të skuadrës napolitane që siguroi pjesëmarrjen në Champions League në fazën e grupeve. Ai ishte një titullar i padiskutueshëm në kampionat te Napoli duke munguar vetëm në një ndeshje për shkak kartonësh.
Hysaj u transferua te Napoli verën e kaluar dhe tani vëzhgohet nga ekipe të njohur jashtë Italisë si Barcelona, Atletiko dhe Bajern.
Endrit Saukut TV KLAN