Urat e dëmtuara nga gërmimet në shtratin e lumenjve – (23 Korrik 2000)
Lajme Arkiva – Tv Klan 2000
Kjo është ura e Peshkatarit. Shembja e saj para disa muajsh, sipas specialistëve erdhi për faktin se gërmimet për marrjen e zhavorrit në shtratin e lumit, kishin lëvizur këmbët e urës. Për kalimin e makinave është gjetur një zgjidhje me këtë riparim të përkohshëm, po këtu rërë dhe zhavorr, duke se merret çdo ditë. Për një farë kohe gërmimet për nxjerrjen e materialeve nga shtrati i lumit u ndërprenë, por përditë këtu ngarkohen me dhjetëra makina.
Përveç urës së Peshkatarit edhe kjo urë më e vogël pak kilometra më larg, rrezikon të ketë të njëjtin fat. Ky kompleks lavatriçe, përdoret për nxjerrjen dhe përpunimin e materialeve inerte nga shtrati i lumit. Me gjithë urdhrat për të ndaluar gërmimet në shtratin e lumenjve afër urave, gjendja është kjo, ndërsa pasojat nuk është çudi të shihen shumë shpejt./tvklan.al