UT, Honoris Causa për Fatmir Limajn
Për kontributin për lirinë e Kosovës, që nga lëvizjet studentore të viteve ’80, e më vonë edhe si udhëheqës i Ushtrisë Çlirimtare të Kosovës, për merita të shumta të çështjes kombëtare, tashmë politikan, Fatmir Limaj u nderua me diplomën e “Honoris Causa” nga Universiteti i Tiranës.Në ceremoninë që u zhvillua pranë rektoratit të Universitetit të Tiranës, ku merrnin pjesë deputetë të Parlamentit shqiptar dhe atij të Kosovës, Limaj foli për sakrificat e kosovarëve për të arritur lirinë dhe tashmë detyrimin e politikanëve që të përmbushin standardet për t’iu afruar Europës.Fatmir Limaj është një ndër deputetët më të votuar të Parlamentit të Kosovës. Ai u përball edhe me akuza për krime lufte nga Gjykata e Hagës, por u shpall i pafajshëm.Limaj është vlerësuar për kontributin e tij në luftën për çlirimin e Kosovës edhe nga kryetari i Bashkisë së Tiranës, Lulzim Basha i cili e ka konsideruar një herë për së gjalli. Basha dhe Limaj patën një takim të veçantë në të cilin veç të tjerave u vlerësua edhe fryma e bashkëpunimit mes dy vendeve dhe ndikimi si faktor stabiliteti në rajonin që aspiron integrimin në Bashkimin Europian.TV KLAN