VAR edhe në Champions League
Nisur nga suksesi që pati në botërorin e Rusisë, UEFA po synon të përdorë asistentin video të arbitrit edhe në çerekfinalet e këtij sezoni kompeticionit kontinental më të rëndësishëm për klubet.
Komisioni për garat në UEFA, pritet të bëjë rekomandimin javën e ardhshme pas mbledhjes që do të mbahet në Monaco, ndërsa vendimi përfundimtar do të merret nga komiteti ekzekutiv në fund të muajit të ardhshëm.
Problemi i vetëm për UEFA-n janë burimet njerëzore që nevojiten si dhe infrastruktura e nevojshme për aplikimin e sistemit. Organizmi Europian i futbollit po merr në konsideratë përdorimin e VAR edhe në Europianin e 2020.
Sa për kritikët që thonë se VAR vonon dhe ul ritmin e lojës, IFAB, organizmi që bën rregullat e futbollit tha se sistemi e ka vonuar lojën mesatarisht 55.6 sekonda kur pamjet janë parë nga asistenti dhe 86.5 sekonda kur janë riparë nga arbitri në fushë.
Tv Klan