Vdes skafisti në Itali – (2 Gusht 1999)
Arkiva Lajme – Tv Klan 1999
Një skafist shqiptar është vrarë gjatë një përpjekje në det me një motovedetë të Guardia di Finanzas. Ngjarja ka ndodhur rreth 15 km larg brigjeve italiane të krahinës së Pulias. Ai bashkë më një tjetër skaf sapo kishin zbarkuar ngarkesën e re të të dëshpëruarve. Forcat italiane ishin vënë në ndjekje të tyre, njëri prej të cilëve nuk kishte pranuar të dorzohej. Si pasojë ndodhi vdekja e një personi dhe plagosja e një tjetri.
Sipas burimeve italiane gjatë duelit të ndodhur në det, skafi shqiptar është përplasur me motovedetën e Guardia di Finanzas. Skafi i dëmtuar kishte një gjatësi 8 metra dhe dy motorra 250 kuaj fuqi. Identiteti i skafistëve ende nuk është bërë i ditur, ndërkohë që i plagosuri është i shtruar aktualisht në spitalin e qytetit të Leces.
Policia italiane ka filluar hetimet mbi këtë incident të rëndë duke marrë në pyetje dëshmimtarët e ngjarjes. Incidenti i fundit është i ngjashëm më një incident tjetër të ndodhur pas ditë më parë ku gjetën vdekjen 5 vetë./tvklan.al